معروف ٹک ٹاکر کو قتل کر دیا گیا

غیر ملکی میڈیا کے مطابق غفران سوادی کو جمعہ کے روز  بغداد میں ان کے گھر کے باہر نامعلوم شخص نے گولی مار کر قتل کر دیا۔

امریکی میڈیا کی رپورٹ میں کہاگیا ہے کہ غفران سوادی پر فائرنگ کے مناظر سی سی ٹی وی کیمرے میں محفوظ ہیں۔

ویڈیو میں موٹر سائیکل پر سوار ایک شخص کو گھر کے قریب آتے ہوئے دیکھا گیا۔ چند لمحوں بعد ہی وہ موٹر سائیکل کھڑی کرکے  ایک کار کی طرف بھاگتا ہے اور پھر گاڑی پر فائرنگ کرتے ہوئے موقع سے فرار ہو جاتا ہے۔

رپورٹ کے مطابق کیس کی تفتیش جاری ہے اور ملزم کی شناخت ہونا بھی باقی ہے۔

غفران سوادی کو  فروری 2023 میں عراقی عدالت کی جانب سے 6  ماہ قید کی سزا سنائی گئی تھی کیونکہ ان کی کچھ سوشل میڈیا ویڈیوز کو فحش، بے حیائی  اور اخلاقیات  کے منافی قرار دیا گیا تھا۔

یاد رہے کہ اس سے قبل ستمبر 2023 میں ایک اور مشہور عراقی ٹک ٹاکر نور الصفار کو بغداد میں گولی مار کر ہلاک کر دیا گیا تھا۔